azîz fîraqit dił kerden we hûn
From the Book:
Ew Şî’raney Dirawnete Paɫ Mewlewî
By:
Mawlawi Tawagozi (1806-1882)
1 minutes
848 views
azîz fîraqit dił kerden we hûn
ser kerden ne çem esirim çun ceyḧûnNamed-Entity
keştîy wicûdim tofanî kerden
texteparey řoḧ we ’edem berden
xul mido ne gêc mewc fenada
ecel mekêşom wey la û wewlada
zîndegîm pey merg hane tedarek
umêd ḧeyat qet’en, webê şek
derwazey fereḧ yekcar mesdûden
matîm weş demax, umêd nabûden
ham weser qulley xewf û řicawe
nimez řam ey lan ya xo ew lawe?
nesîb bênesîb ce behre û şewqen
xefet ne bezmen, şadî bê zewqen
lêm taqî nîyen a cewre ce kon
muẍennî dewam lerey kizey ton
bey nałey ḧezîn lêwê berewe
çun amay xeyał meḧum kerewe:
ẍemen řefêqim, ẍemen ham demim
ẍemen ham meclîs ’eza û matemim