azîz bê meylît zîndegîm tał kerd
Li pirtûka:
Ew Şî’raney Dirawnete Paɫ Mewlewî
Berhema:
Mewlewî (1806-1882)
1 Xulek
719 Dîtin
azîz bê meylît zîndegîm tał kerd
bêmobetît ḧukim şadîm betał kerd
hîç îltîfatê nedîm pêtewe
hîç nedyay welay kuştey wêtewe
dûy axim ce dax bêmubalatît
qirçey dił ne derd kem îltîfatît
ew ser we say çerx heftemîn sawa
êd sedaş we goş melekan yawa
her katê zanay ce gişt wiyerdim
tomar yarît ne dił tey kerdim
ya ha bînayîm, awate westem
ce serdîy meylit giř kefit we cestem
ayrim nya we koy wefawe
dam we bê endêş ten we cefawe
yek cestey xestey ’elîlim menden
parçey îstixan zelîlim menden