yar şêwey çone?
Li pirtûka:
Dîwanî Pîremêrd
Berhema:
Pîremêrd (1867-1950)
2 Xulek
1227 Dîtin
yar şêwey çone, yar şêwey çone?
bê çawênî bê, yar şêwey çone?
biřo małî cîm çawxaney nûne
golinkey pûşîn kilabtune
karxaney destî xuday siruşte
le beşer naka ḧorî beheşte
herçend le nesłî dayke ḧewaye
bełam nimûney destî xwaye
aferîdey sun’, bê hawtay îzed
dûr bê le karî çawezarî bed
ciłwey cedwelî çawî surmeřêj
çawî askî kirduwe gêj û wêj
birjang syafam be surmey koy tûr
be tîrî nîgay dił xaney zenbûr
řûy sifîdey sibiḧ, be şefeq qirimz
şîrîntir le řûy şîrînî hurimz
lût tełay xusrew qałî newcela
zimřut bend buwe le goşey teła
henasey deway diłey piř xeme
be emustîle nawî xateme
dû peřey gułnar nawî nawe lêw
maçêkî lêwî şêx exate kêw
sî û dû didanî daney mirwarî
le qutûy le’la ḧełwa debarî
le her çwarlawe yaqût tenîwye
yaqut ya qûtî gyane kê dîwye?
çenagey zîwî sipî xał bê xał
koy ẍebẍeb mînay paktawî zułał
gerdin gerdinî askî xuten gêł
ya gerdinî qaz delîley řewêł
çałî tînwêtî awî ḧeyate
qetrey areqî dwayî memate
qoł be bazîbend daney lałewe
pence be řengî xeney ałewe
sing textey ’acî şetrencî şahan
şamatî û şahan exate aman
dû sêw lew singe telîsim bende
kes neyzanîwe behay sêw çende
lewe berewxiwar bo kes nebînra
perdey edebî be sera kêşra