yarî dił peyker
Li pirtûka:
Dîwanî Pîremêrd
Berhema:
Pîremêrd (1867-1950)
2 Xulek
943 Dîtin
yarî dił peyker, yarî dił peyker
yarî diłfirîb, řîşey dił peyker
nimûney nexşî xuday banî ser
şêwey şîrînit xusrew şeydaker
syay zułfanit řêy tarî zułmat
demit le nawya serçawey ḧeyat
ḧewt gurzî piriçit ḧewt leşkirî řey
bazûşkênî sed kawsî key
sêwit narincî zułeyxay pest kird
řojî řût mangî ken’anî mest kird
cemalit mecal bê nuxte eka
celay celalit dił puxte eka
emet pê ełêm be diłsozane
tûřeyî ebê û tore behane
qînit hełnestê gwê bigre le min
pabendî min bî nek bendî duşmin
gułekem nawit lay ’aşiqan gułe
nawî lay bendet wek bendî diłe
guł kewte destî xirap û çakê
bonî namênê îtir ejakê
guł bo kesêke qedrî bizanê
bîda leser wek çiqey sułtanê
hendê serserî dway cwan ekewê
gułî bo bonî se’atêk ewê
dway ewe kewte destî û bonî kird
hełyepçirkênê wek şêt destubird
benay nařewa nawî ezřê
perdey ’îsmet û cwanî edřê
to xot mede dest herzey herzekar
dûr bê nebîte pendî řozgar
dostî yekêk be, dana û siřpoş bê
herçî bibînê mat û xamoş bê
tomarî şuxît nexwênêtewe
wek bendet ta ser bimênêtewe
řoj le řoj zyatir ’eşqî zyad bê
hemîşe meylî êwey le yad bê
yek beden, yek řoḧ, yek nefes, yek dost
bibne badamî dû meẍiz û yek post
tenha mecnûnêk lêwey long beşan
nek lûtupûtî nařeway şahan
xo eger salî jûr sê bist kewê
çawbaşqał nabê tenha toy ewê