dwênê ke çûm bo baẍî ke nałînî bulbul bû
Li pirtûka:
Dîwanî Samî Ewdal
Berhema:
Samî Ewdal (1910-1985)
1 Xulek
294 Dîtin
dwênê ke çûm bo baẍî ke nałînî bulbul bû
neẍmeyekim gwê lê bû lewêney yar û dił bû
wek dił bo yar denałê kes nebîtin beḧałî
bo awî xunçe û demî ew nałîney qabîl bû
min pêm dego ey bulbul bo denałênî wa kuł
witî şew pasewanim beyan hat çawim gil bû
bo weme pasewanî nałîn û neẍmexwanî
xunçe minî şeyda kird wextêkî hestam guł bû
boçî lêm dekey pirsyar toş wek minî birîndar
basî xotim bo bike yarî kêman ’adił bû
to ’aşiqî xunçanî, řoj û şew le baẍanî
yarî minit bidîba çi şox û kemer şil bû
zułfî wek ’enberî xaw yek yek westabûn be daw
suḧbetyan legeł nesîm leser ałtûnî mil bû
řoj û şewê dêwanem çaweřêy ew peymanem
le gifit û lutfî şîrîn aramî dił kamîl bû
eto derdit girane ya samîNasnava edebî perêşane
cêgay min baẍî îrem hêlaney to ser çił bû