heyhû hay çenden naman xeberê
Li pirtûka:
Dîwanî Mewlewî
Berhema:
Mewlewî (1806-1882)
2 Xulek
746 Dîtin
heyhû.. hay çenden naman xeberê
tay taqet biřyan, nesîm seferê
ta we serberzan herdî leylaxan
we xizmet ser’îłî biłind demaxan
tam ey zamî sext ce tałî wara
we nerim ar we lefiz şîrîn wiyara
waçe dîm mewyerd satê we sałê
mewařa her dem ḧałê we ḧałê
ga mewyerd ne ser hûnî çemey çem
tekirar mekerd ferd dêwanekey şem:
seyrî serberzan leylaxan kerdî
ey şem ḧeyfit kerd min ce yad berdî
ga mewat dûrît dirêẍiş nekerd
germay germyan kotayîş nawerd
bełam elḧeq dił we firyam yawa
hay yaney serdî henaseş awa
şewan hamřazen, řwan hawmałen
qelْbu alْئەەسەدErebîm qewsî sarałen
ga mewat azîz ay ce ewgarîm
ay subْḧane alilّeErebî ce întîzarîm
mijdem beł beyo naga ce derda
nîgam wirasten we řaguzerda
dił we temamî nîyen ne cada
xerîken ne beyn xof û řicada
daxom be wesłê lawnîmewe
ya her we hîcran tawnîmewe
ye kizey derûn giriftarîy ew
ye ḧałetî derd întîzarîy ew
tefsîlş we soz ḧałî kerdim pêt
henî to zanî çenî řeḧmî wêt