هەیهوو های چەندەن نامان خەبەرێ
لە کتێبی:
دیوانی مەولەوی
بەرهەمی:
مەولەوی (1806-1882)
2 خولەک
854 بینین
هەیهوو.. های چەندەن نامان خەبەرێ
تای تاقەت بڕیان، نەسیم سەفەرێ
تا وە سەربەرزان هەردی لەیلاخان
وە خزمەت سەرئیڵی بڵند دەماخان
تام ئەی زامی سەخت جە تاڵی وارا
وە نەرم ئار وە لەفز شیرین ویارا
واچە دیم مەویەرد ساتێ وە ساڵێ
مەواڕا هەر دەم حاڵێ وە حاڵێ
گا مەویەرد نە سەر هوونی چەمەی چەم
تەکرار مەکەرد فەرد دێوانەکەی شەم:
سەیری سەربەرزان لەیلاخان کەردی
ئەی شەم حەیفت کەرد من جە یاد بەردی
گا مەوات دووریت درێغش نەکەرد
گەرمای گەرمیان کۆتاییش ناوەرد
بەڵام ئەلحەق دڵ وە فریام یاوا
های یانەی سەردی هەناسەش ئاوا
شەوان هامڕازەن، ڕوان هاوماڵەن
قَلْبُ الْأَسَدعەرەبیم قەوسی ساراڵەن
گا مەوات ئازیز ئای جە ئەوگاریم
ئای سُبْحانَ اللّەعەرەبی جە ئینتیزاریم
مژدەم بەڵ بەیۆ ناگا جە دەردا
نیگام وراستەن وە ڕاگوزەردا
دڵ وە تەمامی نییەن نە جادا
خەریکەن نە بەین خۆف و ڕجادا
داخۆم بە وەسڵێ لاونیمەوە
یا هەر وە هیجران تاونیمەوە
یە کزەی دەروون گرفتاریی ئەو
یە حاڵەتی دەرد ئینتیزاریی ئەو
تەفسیلش وە سۆز حاڵی کەردم پێت
هەنی تۆ زانی چەنی ڕەحمی وێت