herçend hicranit yend zor awerden
Li pirtûka:
Dîwanî Mewlewî
Berhema:
Mewlewî (1806-1882)
2 Xulek
602 Dîtin
herçend hîcranit yend zor awerden
’ezra’îl ce řenc ser azad kerden
bełam derdêwter ca girten ne dił
nek çun îfter derd dił pêş mido çił
daxom ce tenxiway dûy siftekey wêt
çêş bo we seywan şew ta řo perêt
cyatî mujey siftey bałaket
çêş bo we cařûy gerdî pałaket
pa çun menyay, dîdem ne dîdem
azar bî perêş mujey nim dîdem
dek ’umirim çun wesił bałat temam bo
çêw bê’azar bo bişo pêş kam bo
řûyê çun ser çem naziş mewc mewerd
ce say dyay çem dił megirtiş gerd
hey řo sa îse çenî mewyaro
çêş bo gerd nedo û nîgaş bidaro
ax meylî tazen pase kerden pêt
werne kizey dił sa neşneftebêt
minit şî ce wîr xast kerd dîdem
be wêt xatir şad xast kerd dîdem
sa her sozey coş ahî serdî min
her kûrey piř taw germî derdî min
her wefay demdem aşnayî ew
her ew ’ehd û şerit řûbeřayî ew
hay řeḧmet ew qebir sewdayî kamił
sermeşqî meynet bêsaranNava taybet menził:
«yane wêranî her we min aman
metawu girtey kesêwî daman»