fîday bałay biłindit bim dełêy serwî gułistane
Li pirtûka:
Dîwanî ’Asî
Berhema:
Mela Mistefay Asî (1885-1975)
2 Xulek
973 Dîtin
fîday bałay biłindit bim dełêy serwî gułistane
be sergerdî cemalit bim dełêy xurşîdî tabane
îşaret ke lebo kuştin be pencey şêwe zîwînit
biłê hat mewsîmî mergit sibeynê cejnî qurbane
le burcî zułmetî zułifit ke şewqî řût tulû’î kird
mu’ezzîn bangî ’îşqî da werin wa řojî dîwane
qezîyey manî’ulcem’e le řûy toda çe qewmawe
qemer me’lûme wadyare le nawend burcî mîzane
nexoş û derdedarî tom, kewa guł surme,řûm têke
bibînim sêwî dû kułimit nimûney baẍî řîzwane
biłên ’aşiq were seyrî ewa hat suxme çînawî
be dugme quflî da sîney dełê em gence penhane
qezîyey îtîfaqî bû tiraza bendî sersîney
gutî ’asîNasnava edebî temaşa ke dełêy befrî kelî xane
nexoş bûm bo şîfa pêm gut kerem fermû ke bonî kem
gułî ew cûte sêwane çizey serxoş û mestane
ke destim geyye ser sîney be ẍunçey lêwî sermest bûm
gutim ger demkujî fermû gutî em care îḧsane
gutim xo xałî ser kułimit zyaretgahî ’uşşaqe
diłî neşkandim û fermûy ḧeyatbexşî şehîdane
ke lêwim naye ser kułmî gutî ’asîNasnava edebî bide řûḧit
witim pêşkeş be ebrot bê dełêy şîrî xurasane