cem’î ’uşaqan meken lomem ke wextî zarîye
Li pirtûka:
Dîwanî Safî Hîranî
Berhema:
Safî Hîranî (1873-1942)
1 Xulek
1786 Dîtin
cem’î ’uşaqan meken lomem ke wextî zarîye
neşterî dûrî ḧebîbim wa le cergim karîye
men’î ah û nałeyî min boçîye bê îxtyar
wa leber zamî le goşey sînekem hawarîye
yar yedî beyzay heye, hat û telîsmî diłmî best
bew hemû î’caze wa meylî le cadûkarîye
mezre’ey dił toyî şadî qet mefermû şîn deka
ta le hewrî bextî min da’îm bê ew ẍembarîye
wa ḧeyatim bê sebeb qeydî ḧeyatî kirdûm
şîwenî řoḧe ’ezîzan, qeydî min yekcarîye
şew bebê şem’î řuxt piř zulmete xaney diłim
řoj bebê řojî cemałî to syah û tarîye
neqşî zar û lêwî ałit nayete cedwelkeşî
manî çînîş wa teḧeyur mawe lew pergarîye
çunkî muddêke le yarî bawefa dûr kewtûm
qûtî şîrînim dirêẍa wa le jehrî marîye
«nizheta» sa derdî safîNasnava edebî her le dû la dê şifa
ya be wesłî řûyî yare, ya be lutfî barîye