şwanî bê feř
Li pirtûka:
Dîwanî Kakey Felaḧ
Berhema:
Kakey Felaḧ (1928-1990)
1 Xulek
767 Dîtin
hawar ekem be řoj û şew
ax le des şwanî çaw le xew
meř be gurgan xwardu eda
lew kej û çoł û deşteda
bo tozê xew, tozê pişû
agir ber edate puşû
gurg ber edate gyanî meř
şwanî wa patał û bê feř
ew mêgele bizin û meře
qurbanî sayey sêbere
qurbanî tuzqałê xewe
hoy be qiřdanî em, ewe
dad ledes şwanî xoperist
têr nexor û sik xoşewîst
ta řawestabê ew wirge
key aga û hoşî lay gurge
her şîrî taze noş eka
şitî tir feramoş eka
her şiney şemałî ewê
her sozî şimşałî şewê
her beste û goranî ewê
her geşt û seyranî ewê
her awî serçawey ewê
her deştî řazawey ewê
her sayey sêberî ewê
heway deşt û derî ewê
şwanê řewştî awabê
derbestî mêgelî nabê
bełam xawenî bizin û meř
mil keçî nabê takû ser
xoy bê tirs û perwa eka
şwanî wa her řiswa eka
mêgel edate des şwanê
keqedrî şwanî bizanê
eydate dest pasewanî
xoy leser mêgelî danê