جانا وەرە ئەم جەژنە بە قوربانی سەرت بم

از کتاب:
دیوانی کوردی
اثر:
کردی (1809-1850)
 1 دقیقه  1063 مشاهده
جانا وەرە ئەم جەژنە بە قوربانی سەرت بم
بۆ تیری قەزای چاوی حەسوودان سپەرت بم
شادن لە تەماشای نەزەرت مەحرەم و ئەغیار
مروەت نییە تەنها هەر ئەمن دەربەردەرت بم
ڕازیم بەدەنم هەر وەکوو خاکی بەری پێت بێ
شایەد کە لە ڕێی مەدرەسەدا ڕەهگوزەرت بم
تۆ بەو دوو ڕوخی خۆتەوە وەک شاهی و فەڕزە
دایم کە لە پێش ئەسپەکەتا وەک نەفەرت بم
وا قاڵ و زەعیفم لە هەتیتەی غەمی دووریت
شایستەیە ئێستاکە کە ئاڵقەی کەمەرت بم
بۆ قەتڵی منی خەستە موژەت هەر وەکوو تیرە
ئەی من بە فیدای تیری نیگای پڕ خەتەرت بم
ئەر خەشمە، وەگەر لوتفە بە کوردیتخلص نەزەرێ کە
قوربانی غەزەب گرتن و گۆشەی نەزەرت بم