یاران نەووەهار
از کتاب:
دیوانی وەلی دێوانە
اثر:
ولی دیوانه (1826-1881)
1 دقیقه
719 مشاهده
یاران نەووەهار، یاران نەووەهار
ئیمساڵ وە بەختم بێفەڕ نەووەهار
ئاما وە دامان کۆچ تەڵمیت بار
هەر چەند نیگام کەرد نەدیم کۆچ یار
خێڵان گشت ئامان وە ژێر دامان
پەخش بین وە دامان بارگەی ئیمامان
نە کۆچ یار بێ، نە دەنگ یاران
وەهار وەنەم بی وە ژار ماران
هەر گوڵ جە ڕەنگێ بەرئاما جە خاک
ئەوان گوڵخەندان من دیدە نمناک
هەر غونچە وەنەم بی وە پەیکانێ
هەر گوڵێ وە نێش خار هجرانێ
هەر لالە داخێن وە سەد هەزار داخ
داخ مەنیا وە دڵ حەسرەتکێشم ئاخ
سونبوڵ چون فێشتەر نێش مەدۆم نەدڵ
تێژتەرەن جە خار نە پام بەرگ گوڵ
نەرگس مەوینۆ ئەندۆم بەرز مەبۆ
ئاهر وە جەستەم قەقنەس تەرز مەبۆ
سۆسەنان زووان تانەکێشان لێم
جە داخ دووری دوور وڵات وێم
سەیر چەمەن لێم چون ژار مارەن
هەر ئێد مەژنەوون ماچان وەهارەن
پەی چی جە دووری شای شەم جەمینم
ها وەختەن بەرشۆ گیان شیرینم
یاران هامسەران سا چون مەبۆ چوون
من «تەبەس» جامەن «شەمشخص» کەوت ئەو سەرتوون