yaran newwehar
Li pirtûka:
Dîwanî Welî Dêwane
Berhema:
Welî Dêwane (1826-1881)
1 Xulek
770 Dîtin
yaran newwehar, yaran newwehar
îmsał we bextim bêfeř newwehar
ama we daman koç tełmît bar
her çend nîgam kerd nedîm koç yar
xêłan gişt aman we jêr daman
pexiş bîn we daman bargey îmaman
ne koç yar bê, ne deng yaran
wehar wenem bî we jar maran
her guł ce řengê ber’ama ce xak
ewan gułxendan min dîde nimnak
her ẍunçe wenem bî we peykanê
her gułê we nêş xar hicranê
her lale daxên we sed hezar dax
dax menya we dił ḧesretkêşim ax
sunbuł çun fêşter nêş medom nedił
têjteren ce xar ne pam berg guł
nergis mewîno endom berz mebo
ahir we cestem qeqnes terz mebo
sosenan zuwan tanekêşan lêm
ce dax dûrî dûr wiłat wêm
seyr çemen lêm çun jar maren
her êd mejnewun maçan weharen
pey çî ce dûrî şay şem cemînim
ha wexten berşo gyan şîrînim
yaran hamseran sa çun mebo çûn
min «tebes» camen «şemKes» kewt ew sertûn