هامسەران نامم
از کتاب:
دیوانی وەلی دێوانە
اثر:
ولی دیوانه (1826-1881)
1 دقیقه
919 مشاهده
هامسەران نامم، هامسەران نامم
من نامم گنۆ دێوانەتخلصن نامم
جەو ساوە ڕیسوای دەور ئەییامم
ڕۆێی، نەگێڵا دەوران وە کامم
جەو ڕۆ من جە «بەتن» مادەر پەیدا بیم
مەجنوون کۆگەرد شێت و شەیدا بیم
هەر خاتر خەمین دەروون پڕ داخ بیم
هەر دڵگیر دەرد وێڵ و دوستاخ بیم
هەر چەم پڕ ئەسرین مات و مەحزوون بیم
هەر گێرودەی جەور جەفای گەردوون بیم
هەر دایم ڕەقیب ڕەهەندەی ڕاچەفت
وەردا وە جەستەم ئاهر چەنی نەفت
ئەر سەد سزاکێش بار مەینەت بێم
بەڵێ سازا بیم چەنی بەخت وێم
ئی ساتە ڕۆێی جە ڕاگوزەر دا
شەم شێوە جە نۆ ئاهر جێم وەردا
ئەو وەی بڵێسەم جە گەردوون ویەرد
بیم وە کۆی زوغاڵ سفتەم بی وە گەرد
پەروانە سیفەت پڕ سفتەی زوخاڵ
سۆزان بیم وە شەو شۆڵەی شەم جەماڵ
ئاهر بەختم هەر نەبی خامۆش
تا قرچەی جەرگم شنەفتم وە گوش
ئەوەڵ چون مەجنوونشخص وێڵ سارا بیم
دێوانەی دڵگیر جە خەم دارا بیم
ئیسە پەروانەی پەڕ و باڵ سفتەم
وێڵ بەرداوبەرد کۆس و کۆس کەفتەم
هامسەران سفتەی شۆخ شەم لقام
چۆن مەبۆ علاج وە چێشەن دەوام