شەو بێدارانم
از کتاب:
دیوانی وەلی دێوانە
اثر:
ولی دیوانه (1826-1881)
1 دقیقه
1239 مشاهده
شەو بێدارانم، شەو بێدارانم
ڕەفیق ناڵەی شەو بێدارانم
جوغد جا نە سەنگ سەر مەغارانم
یا هووکێش جەور ڕۆزگارانم
پەروانە پەشێو سفتەی نارانم
چون قەقنەس زوغاڵ کۆی دەندارانم
سەییاد بێ سوود سەر دیارانم
سمکۆی لەنج عەشق ناز تەتارانم
گیرۆدەی سەرچەنگ جەفای خارانم
خار خەم نە جەرگ خار خومارانم
پادشای گشت پۆل هجران بارانم
وێڵ وادی گرد هەردەی هارانم
هەراسان نە دین دیدەی یارانم
مەجنوونشخص بەڕگێڵ پای کۆسارانم
هیچ کەس نەمەندەن جە غەمخوارانم
بپەرسۆ هەواڵ وێنەی جارانم
دیار دیارەنی مەینەت بارانم
بزانۆ وە شین ئاهر وارانم
دەردێ من گرتەن غەمگوسارانم
مەرهەم جەی وەر قەیس ڕۆزگارانم
جەی دەرد ساکن سەر دیارانم
مونتەزر وە لوتف بینای کارانم