داخ وەبان داخ
از کتاب:
دیوانی وەلی دێوانە
اثر:
ولی دیوانه (1826-1881)
1 دقیقه
1200 مشاهده
داخ وە بان داخ، داخ وە بان داخ
دەرد وە بان دەرد، داخ وە بان داخ
جە داخ دووری شای بوڵەند دەماخ
من جە گەرمەسێر ئەو شی وە لێڵاخ
جەو پەی داخینم تا مەرگ سامان
یانە باوانش ئاماوە دامان
ئیمساڵ نەو وەهار وەنەم «دەیجوور» بێ
پەی چی؟ کە دیدەم جە دیدەش دوور بێ
ئەو شی وە لێڵاخ چون بێ بەینەتان
من مەندەن پەی دەرد سزای مەینەتان
تەرسوون جە بازی بازاڕ گەردوون
جە کەج نەردی چەرخ دەور دنیای دوون
مەجنوونشخص هاشت وە داخ سزای دەردەوە
قاپی خەم نە بەخت فەرهادشخص کەردەوە
یەک یەک هامسەران جە گیان بێزار کەرد
ڕۆی ڕۆشن جە عەین دەردینان تار کەرد
ئەو ئەردە وە بەخت قەیس و مەجنوون شەند
بەرد بنچینەش جە بنیاد هۆرکەند
مەتەرسوون جە بەخت منیچ بشانۆ
سزای ئەو یاران پەنەم بنمانۆ
ئێدیچ وە قسمەت «ابن سلامعربی» م بۆ
من وەی دەردەوە دەور دنیام بۆ
یا شائی نەردە نشانیم وە بەخت
ئەر بۆ مەرگم بۆ وەرجە وادە و وەخت
مەرگم خاستەرەن من جەو ژیانە
جەی زندەگی پووچ شاد پەشیمانە