dax weban dax
From the Book:
Dîwanî Welî Dêwane
By:
Wali Dewane (1826-1881)
1 minutes
1143 views
dax we ban dax, dax we ban dax
derd we ban derd, dax we ban dax
ce dax dûrî şay bułend demax
min ce germesêr ew şî we lêłax
cew pey daxînim ta merg saman
yane bawanş amawe daman
îmsał new wehar wenem «deycûr» bê
pey çî? ke dîdem ce dîdeş dûr bê
ew şî we lêłax çun bê beynetan
min menden pey derd sizay meynetan
tersûn ce bazî bazař gerdûn
ce kec nerdî çerx dewr dinyay dûn
mecnûnPerson haşt we dax sizay derdewe
qapî xem ne bext ferhadPerson kerdewe
yek yek hamseran ce gyan bêzar kerd
řoy řoşin ce ’eyn derdînan tar kerd
ew erde we bext qeys û mecnûn şend
berd binçîneş ce binyad horkend
metersûn ce bext minîç bişano
sizay ew yaran penem binmano
êdîç we qismet «abin silamArabic» m bo
min wey derdewe dewr dinyam bo
ya şa’î nerde nişanîm we bext
er bo mergim bo werce wade û wext
mergim xasteren min cew jyane
cey zindegî pûç şad peşîmane