xesrew xeyałê
From the Book:
Dîwanî Welî Dêwane
By:
Wali Dewane (1826-1881)
2 minutes
1055 views
xesrew xeyałê, xesrew xeyałê
ax pey xan xas xesrew xeyałê
saḧêb sipawsan dara êqbałê
muheyya ne genc xezêne û małê
bexşendey bêbak koy kerem beya
saḧêb şewq û zewq dił bê ẍem beya
ba mawe şikar ser dyaranda
we maway mecnûn řozgaranda
bidya we cestey xem pê waramda
we komey dîwan weḧşî saramda
we seyl esrîn dîdey tarimda
we derd derûn endobarimda
we ’uryanî «ten» tenyay takmida
we seng bałîn xeftey xakmida
we sergerdanî seḧray çołimda
we ’asa û keşkoł pos kołimda
we ah û nałey şewan ta řomda
we زاێەڵەی sext şîn bêşomda
we peşêwî bext şûmî çaremda
we zuxa û zam cerg paremda
we biłêsey berz giř tê bestemda
we xestey xatir xar cestemda
bezeyîş bama we cestey ḧałim
bizanaş kuştey kamîn newhałim
ce kêwen xatir xestem girten xem
siftey sozanim çun perwaney şem
sermayey ’eqiłim kê kerden ẍaret
kam diłber berden we yek îşaret
bełê ew xeyał «newfel» ne dił berd
gyan wêş hîlak jar qatił kerd
nekerda ew fikir nawerda ne dił
neşya ne sewday xeyał batił
ya we genc û mał ya we zor wêş
şad kerda xatir dêwaney diłřêş
bikerda hîmmet çun xan «ḧatem»
«şemPerson» wasił we min, min wasił we «şem»
her çend mewînûn ney řozgaran
kes nyen diłsoz sya sitaran
mer herxudawend guşayendey bext
řeha bido bext min ney bend sext
werne î bende zencîr pamen
ta merden çû qeys wa ḧesretamen