چراغم بی ڕام
از کتاب:
دیوانی وەلی دێوانە
اثر:
ولی دیوانه (1826-1881)
2 دقیقه
1093 مشاهده
چراغم بی ڕام، چراغم بی ڕام
فەڵەک بێمەیلەن، باوانت بی ڕام
تۆ «لەیلشخص» قەدیم من «قەیسشخص» ئەییام
چون مەبۆ حاسڵ عومرم وا بە کام
ئەر وە سەر ڕازین سەر نە پاشانم
گیان وە سەر توفەیل خاک ڕاشانم
ئەر ماڵ مەسۆزان من بێ ماڵەنان
مەجنوون موفلس خەم خەیاڵەنان
غەیر جەسەودای عەشق دین تۆ دیدەم
ڕابەر نیم وە هیچ ئەی بەرگوزیدەم
ئەر وەلای حاکم داد وێم بەروون
داد و بێداد جە دەست باوانت کەروون
تەرسوون حەکایەت «نەوفەل» بدۆ سەر
تۆ شاد وە باوان من هەر دەربەدەر
ئەرنا گاڕۆێی نە کۆچ خێڵدا
وێڵبای وە ماوای مەجنوون وێڵدا
هۆردارووت بە ڕووت بەو جامازەوە
بەو جاماز خاس پڕ جیازەوە
مەترسوون کە نام نیکیت نەنگ بۆ
جەو بابەت زووان با بۆت لەنگ بۆ
قەوم و قەبیلەت گشت بەدنام مەبۆ
من جەوان بەتەر ڕیسوای عام مەبۆ
ئەر سەد بێماڵم بێپارە و بێپووڵ
من یانە هیچ کام نەدارۆ قەبووڵ
هەر تا زندەنان جە ڕووی سەر بیسات
دایم وە مەیلت مەکەرۆ قنیات
خۆفم هەن جە جەور چەرخ بێ ڕامی
پەیدا بۆ پەرێت «ابن سلامعربی»ی
ئەوسا دوبارە زامم خەتەر بۆ
ئی داخیچ وە بان داخان تەر بۆ