çiraẍim bî řam
From the Book:
Dîwanî Welî Dêwane
By:
Wali Dewane (1826-1881)
2 minutes
1096 views
çiraẍim bî řam, çiraẍim bî řam
fełek bêmeylen, bawanit bî řam
to «leylPerson» qedîm min «qeysPerson» eyyam
çun mebo ḧasił ’umirim wa be kam
er we ser řazîn ser ne paşanim
gyan we ser tufeyl xak řaşanim
er mał mesozan min bê małenan
mecnûn mufils xem xeyałenan
ẍeyr cesewday ’eşq dîn to dîdem
řaber nîm we hîç ey berguzîdem
er welay ḧakim dad wêm berûn
dad û bêdad ce dest bawanit kerûn
tersûn ḧekayet «newfel» bido ser
to şad we bawan min her derbeder
erna گاڕۆێی ne koç xêłda
wêłbay we maway mecnûn wêłda
hordarût be řût bew camazewe
bew camaz xas piř cyazewe
metirsûn ke nam nîkît neng bo
cew babet zuwan ba bot leng bo
qewm û qebîlet gişt bednam mebo
min cewan beter řîsway ’am mebo
er sed bêmałim bêpare û bêpûł
min yane hîç kam nedaro qebûł
her ta zindenan ce řûy ser bîsat
daym we meylit mekero qinyat
xofim hen ce cewr çerx bê řamî
peyda bo perêt «abin silamArabic»y
ewsa dubare zamim xeter bo
î daxîç we ban daxan ter bo