بێزیای هۆزان
از کتاب:
دیوانی وەلی دێوانە
اثر:
ولی دیوانه (1826-1881)
1 دقیقه
820 مشاهده
بێزیای هۆزان، بێزیای هۆزان
ها بیم وە مەجنوون بێزیای هۆزان
ئەگەر وە ئەو زام بیان دڵسوزان
مەگەر نە هەردەی «نەجد» م بدۆزان
ئەر یاران یەکێ ئەو یادم ئاران
یا هەم جە هەردان یا جە کۆساران
هەر جاێی مەقام ماوای مەجنوون بۆ
مەنزڵگەی مەجنوون مات مەحزوون بۆ
ئەو مەنزڵ مەقام ئەو مەسکەن جامەن
ئەو ماوا و مەکان یوورت ماوامەن
جە هەر جاێی خاک زەمین پڕ نەم بۆ
جە هەر کۆ کۆمەی وەحشیان جەم بۆ
ئەو جا جای سەیلان گریان منەن
ئەو کۆمە کۆمەی دیوان منەن
هەر سەنگێ جێگەو دەس یارم بۆ
یاران هەر کەس یار غەمگوسارم بۆ
ئامانت هەواڵ من بپەرسان جێش
مەر ئەو بواچۆ حاڵ وێڵیم پێش
ئەر بەی نشانان نشانم نەبۆ
ئاڤاری جە یوورت وێرانم نەبۆ
تاقی بزانان بێشەرت و شوونم
بێسەودا جە فکر سەودای مەجنوونم