شیوەنی دارستان
از کتاب:
دیوانی گۆران
اثر:
گوران (1904-1962)
1 دقیقه
1089 مشاهده
- پەردە هەڵکشا -
لادێیی چۆغەشڕ بەرامبەر بە کۆشکێکی گەورە وەستاوە، بە ئینگلیزی و بە عەرەبی لەسەر دەرگاکەی نووسراوە: «دائیرەی دارستان».
لادێیی چۆغەشڕ:
ئەم کۆشک و دەزگایە کە پۆشتەی تفاقە
بێگانە ئەیگێڕێ و بە ناو هیی عیراقە...
کەس نەبوو عیراقی کە هێندە دانا بێ:
بزانێ شاخ نابێ دارستانی تیا بێ؟
ناچار بووین هێنامان پسپۆڕی بێگانە،
بە زانست سووتاندی ئەم دارستانانە،
هەمووی کرد بە خەڵووز، پێشکەشی ئاغای کرد
ئاغاشمان بە دیاری بۆ پاشای بەغای برد...
ئێستاکە ئێمەین و شاخێکی وەک کەچەڵ،
با هەر بەین بە سەرا قوڕی خەست بە تۆپەڵ!
- پەردە داکشا -