مەخۆ ئەی پیری تەنپەروەر کەباب و کاڵەکی پردی
از کتاب:
دیوانی سابیری
اثر:
صابری (1881-1944)
2 دقیقه
360 مشاهده
مەخۆ ئەی پیری تەنپەروەر کەباب و کاڵەکی پردی
مەخەو ئەی میری بەر سێبەر وەکوو شامی تەپیو بوردی
ئەلا ئەی پیری بێ حاسڵ لەکن خۆت عاقڵ و وردی
خەجاڵەت بی هەموو ڕەنجت قسووری خۆتە با بردی
سەنەی عومرت لە هەشتا تێپەڕیی و غافڵی هێشتا
کە تۆفانی ئەجەل ئەرز و سەمای شێوان و هاوردی
لە هەشتا تێپەڕی عومرت قیامەت نایەتە فکرت
جوێن و غەیبەتە زیکرت پیاوێ زیرەک و وردی
گرووهی ئەوەڵین ڕابوردن و ئێمەیش ئەچین ئاخر
ئەگەرچی من تەپۆڵکەم تۆ لە چاوی من وەکوو گردی
سەر و ڕیشت بووە پەمبوو سەراپا عومری تۆ غەم بوو
موسوڵمانیت هەموو دەم بوو، پەشیمانی و ڕووزەردی
ئەگەرچی من فەقیری شار و تۆ سوڵتانی دەورانی
بەهەر حاڵێ کە من مردم لەناکاوێ ئەتۆش مردی
ئەگەر یارانی ڕابردوو بە خێر بێنیتە یاد ئەمڕۆ
بە خێر یادت ئەکەن خەڵکی، سبە و دوویێ کە ڕابوردی
عەبا و جوببەی سپی و ساف و کەوای زەردت موبارەک بێ
بە سوورەت شەککەری ئەمما بە تام و ڕەنگ گۆگردی
زەمانی زوهد و پارێزکردن و هەم تەوبەیە سابیرتخلص
ئەگەر شێخی عەرەب یاخود ڕەئیسی تائیفەی کوردی
چییە دونیا زمستانە ئەجەل؟ بۆ ڕفت و بارانە
لە هەوری قیبلەوە سابیرتخلص بەتوندی هات و هاوردی