بە شامی زولف و ئەبرۆی هیلالی
از کتاب:
دیوانی سابیری
اثر:
صابری (1881-1944)
1 دقیقه
383 مشاهده
بە شامی زولف و ئەبرۆی هیلالی
دیارە سوبحەکەی جەژنی ویسالی
لە کن دەرکەوتنی باغی جەماڵی
دڵی من بولبولی ماهی جەماڵی
بە ڕوویی ئافتاب و لێوی ئاڵی
سەنای زولفی بکەم یا وەسفی خاڵی
ئەگەرچی سوورەتەن دوورم بە مەعنا
لە من نەزدیکە سوڵتانی خەیاڵی
خودایە کەس نەبێ تووشی غەمی من
کە خەڵکی پێی بڵێن کافر بە حاڵی
بە شەو تا ڕۆژ هەر گریانە پیشەم
نەهاتی و پێم بڵێی بۆ چی ئەناڵی
ئەگەر خۆی بمکوژێ پێم خۆشە ئەمما
ڕەقیبیش بۆ نەهاتیم هاتە پاڵی
بە دەستی خۆی خوێنیشم بڕێژێ
ئەڵێم وەک شیری بەر دایک حەڵاڵی
نەمامی قامەتی غایەت بڵندە
دەسم ناگاتە سێو و پڕتەقاڵی
خودایە تۆ دەمی سابیرتخلص شیرین کە
هەموو عومرم بەزایع چوو بە تاڵی