گەر دەپرسی سەبەب و حیکمەتی ئەم بێ خەوییە
از کتاب:
دیوانی سابیری
اثر:
صابری (1881-1944)
1 دقیقه
346 مشاهده
گەر دەپرسی سەبەب و حیکمەتی ئەم بێ خەوییە
سەفەر و سوننەتی ئەم ماهڕووە شەوڕەوییە
حەزئەکەی تێبگەیەی لەززەتی شەوبێداری
لە هەموو لەززەتی دونیا کە جیا بێ ئەوییە
لە شەڕ و فیتنەیی نەفست مەبە ئەمین وەکوو مار
لە ملی هەرکەسێ ئاڵا سەری خوار و نەوییە
تۆ کە ئینسانی تەوەللا بە لە خووی حەیوانی
وا نەبی تابیعی شەیتانی لە سەر ئەم زەوییە
لە سەرا زەوقی گوناهـ و لە دڵا حوببی فەساد
ئەمە بۆ زوعفی دیانەت چ دەلیلێ قەوییە
فلسی خێڕی بە دووسەت میننەت ئەبەخشێ هێشتا
بە ئومێدە لە خودا یەک بە دە ئەو مل قەوییە
هونەرت ناوەتە سەر دەستەوە عەیبت ژێر پا
دەگەڵت شەڕ دەفرۆشێ ئەڵێی خەستەوییە
عەمەلی چاکەیی تۆ سێوە بە کێو ئەیژمێری
جەبەلی عەیب و گوناهت تەبەقی بەدرەوییە
کوڕی سۆفی دەگەڵی ماڵی خەلیفەی دەفرۆشت
قەسەمی خوارد و بە ئەستێرە وتی خەستەوییە
ڕاستی کەس هونەر و عەیبی تەماشا ناکا
ئەمە بووجەهلە وەیا شێخ حەسەنی بەسرەوییە
سابیریتخلص ڕاست ئەوەتا عەیبی عەوام داپۆشێ
عەرەب و ڕوومییە یا کورد و عەجەم پەهلەوییە