تەماشا کە دڵی تەنگم مەقالەی ئاتەشینێکە
از کتاب:
دیوانی سابیری
اثر:
صابری (1881-1944)
1 دقیقه
431 مشاهده
تەماشا کە دڵی تەنگم مەقالەی ئاتەشینێکە
مەچۆ نێوی وەرە سەر چاوەکانم شانشینێکە
بترسە ئاگری ئاهم بگاتە خەرمەنی حوسنت
ئەگەرچی خۆر لە خورشیدی جەماڵت خۆشەچینێکە
مەحاڵە عەندەلیبی دڵ بکا تەرکی گوڵی حوسنت
چ دەربەستە نیهایەت مەرتەبەی هەر سەربڕینێکە
بریندارانی ئەتڕافت پەنایان بردە ئینسافت
بە حەقی ڕوومەتی سافت تەماشایی برینێکە
دەبێ کەی دەرکەوێ ڕوخساری شیرینت بکەم شوڕای
بە عالەمدا؟ بڵێن ئەڵبەت ئەمیش فەرهادی چینێکە
دەڵێن ڕەحم و وەفاداری نەتیجەی حوسنی ئەخلاقە
لە کن دەورانی چاوی تۆ وەفا قاتە چ دینێکە؟
لە دووریی چاوەکانت سابیریتخلص یەکجار پەرێشانە
بەچاوی تۆ هەمیشە چاوەڕێی یاسین و شینێکە