ئەی هەموو عالەم بە چاوانی نەخۆشت نامیزاج
از کتاب:
دیوانی سابیری
اثر:
صابری (1881-1944)
1 دقیقه
910 مشاهده
ئەی هەموو عالەم بە چاوانی نەخۆشت نامیزاج
ئینتیزارن ئەی مەسیحالەب بیاندەیتێ عیلاج
تۆ کە دەرکەوتی مەهـ و ئەستێرە شەو نووریان نەما
ڕۆژ کە مەیلت بێ لە مەحبووبان ئەسێنی خەرج و باج
بۆ غوڵامی تۆ بەنیئادەم هەموو گەردنکەچن
جوملە دەروێش تا غەنی تا ساحیبانی تەخت و تاج
دەردمەند و موستەمەندم تۆ حەکیمی حازیقی
تۆ بە ساغم سەرف ئەکەی حەزکەی بە نەقدی بێ ڕەواج
تا دەماغی دڵ لە بۆنی جەننەتی حوسنت پڕە
شاد و سەرمەست و مەجازم بۆتە داوی نامیزاج
ئەی مەسیحالەب بە چاوی تۆ لە ڕوحم لێوەیە
تۆ وەرە ڕەحمێکە یا ڕوحم بسێنە یا عیلاج
سابیریتخلص لەوساوە سورمەی چاوی خاکی ڕێگەتە
چاوی بینایە بە بەدری حوسنی پاکت لەیلی داج