موددەتێکە شەو ئەناڵێنم لەژێر پاسارەکەت
از کتاب:
دیوانی سابیری
اثر:
صابری (1881-1944)
1 دقیقه
1374 مشاهده
موددەتێکە شەو ئەناڵێنم لەژێر پاسارەکەت
خۆت نەکردە خاوەنی خەستەی لە گیان بێزارەکەت
وا لە چاوم جارییە فرمێسکی خەم باوەڕ بکە
ڕێ نەما خێڵی خەیاڵت بێتە لای بیمارەکەت
تا خیاڵت پادشاهی شاری دڵ بێ موشکیلە
قاسیدی خەو ڕوو بکاتە چاوی خزمەتکارەکەت
هاژەهاژی سەیلی چاوم پڕ بە عالەم مەوج ئەدا
قەتریێ نایێتە بەر چاوت لە سەختی قارەکەت
تا نەهاتم بۆ نەهاتی؟ تاکو تەبیین بێ بەهات
تازە هاتی هاتنت هەیهاتە بۆ غەمبارەکەت
حەسرەتا ڕۆژێ نەهاتیتە سەرینم پێم بڵێی:
ئەی غەریبی شارەکەم چۆنی لەگەڵ ئازارەکەت؟
سەبرە چارەی دەردی دووری، زیکرە دەرمانی گوناهـ
زوو دەگاتێ حاسڵاتی سەبر و ئیستیغفارەکەت
سابیریتخلص وریابە خۆ ئەو شۆخە وەعدەی دا بە تۆ
بەک هەمیسان ڕەنجەڕۆ بی، دەردی ساڵی پارەکەت