بەس بکە مەیلی جیهانداری لە دونیای بێ وەفا
از کتاب:
دیوانی سابیری
اثر:
صابری (1881-1944)
1 دقیقه
703 مشاهده
بەس بکە مەیلی جیهانداری لە دونیای بێ وەفا
نایەنێ ئەم قیمەتە کەم بۆی بخۆ جەور و جەفا
ساعەتێ فکری قیامەت کە کە سبحەینێ ئەڕۆی
چی ئەکەی؟ جوابت چیە؟ تۆ چی ئەڵێی لەو ڕۆژەدا؟
تاوەکوو ماوی لە دونیادا بکە ئیحسانی خۆت
گەر نەکەی مەسئوول دەبی کێی دی جەوابی تۆ ئەدا
ڕێگەکەت دوورە، عەجەب بێباکی، چۆن پێیدا ئەڕۆی
بەم شەوە تاریکە بێ تووشە و دەلیل و بێ چرا؟
ڕوو لە قاپی حەزرەتی مەولا کە نەجمەددینتخلص ئەتۆ
ڕۆح و ماڵت سەرفی ئەو کە، بەڵکوو دەسگیریت بکا