بە نام یەزدان حی ذو الجلال
از کتاب:
شیعرەکانی حیلمی کاکەیی
اثر:
حلمی کاکه‌ای (1882-1966)
2 دقیقه
399 مشاهده
بە نام یەزدان حي ذو الجلالعربی
خالق المخلوقعربی بێ میثل و میثال
سميع و بصيرعربی فەرد بێ زەواڵ
قەرار دادەی کەون ڕۆژ و ماهـ و ساڵ
حاکمێ عادڵ زوود بکەر ئیرساڵ
خەڵاس بۆ چە بەند فیرقەی فەقیر حاڵ
زوڵم بێ پایان جەرگمان کەرد زوخاڵ
جبریل حفظ کەرۆ وە شەهپەڕ و باڵ
وەرنە مەحاڵەن نییەن ڕای مەجال
عەجەب دەورێوەن نادر الامسالعربی
هەر کەس داشتە بۆ سەروەت، موڵک و ماڵ
هەر ئەو مەقبووڵەن نە ڕووی ماهـ و ساڵ
ئەر سەد عەیش بۆ بە وێنەی غرباڵ
ما يشوف عيبه و لا يدير بالعربی
مەراق وە حەرام بێزار چە حەڵاڵ
دەور ناکەسەن زەمانەی دەجاڵ
نە هیچ گرۆهێ نەمەندەن ئەقواڵ
گشت بی وە مۆدە حەیا پایماڵ
ڕەئیس وە ڕیشوەت حوکام کەرد ئیغفاڵ
وە گەردەن زاڵم دەین ماڵ و مناڵ
مەحزوون و مەغمووم دایم دڵ مەلال
کەی چەی خسووفە بەر مەشۆ هیلال
عەبەس بێهوودەن چە واتەی ئەحواڵ
دایم مەعیووبەن شەخس فەقیر حاڵ
نەزدیکەن دونیا ببۆ ئیحتیلال
وەحەساب جەفر وە گفتەی ڕەماڵ
کاسە پڕ بییەن ڕاکب مۆ ئینزال
وە حوکم بێچوون شاهـ لایەزال
ئەسرار حەل نابێ وە جواب سوئال
سەد جار سەرف بکەی سەروەت موڵک و ماڵ
تا خوون جگەر نەخۆی پەنجا ساڵ
لەم قالعربی داخڵ ناتکەن وەڕووی حاڵ
کوانێ شاری زەڕ داڵ ئیبن داڵ
وە کۆنا لوا قەهرەمان و یەل
کوا شەداد، عاد شەهەنشای جیهان
کوا گەنج قاروون یا دێو صڵصاڵ
کوا قەسر خەوەڕنەق نوعمان خۆش خەیاڵ
کوا بەهرام گۆڕ وە شکار مەیاڵ
یەکسەر خەڵاس بین چە جەنگ و جەدال
داخڵ بین وە خاک چەنی کەمەر لاڵ
کافییەن مەڵڵا شیعر مەکەر ئەطوال
بیست و یەک مەسرەع کەردەنم ئیکمال