یارستان خەراب ٣
از کتاب:
شیعرەکانی حیلمی کاکەیی
اثر:
حلمی کاکه‌ای (1882-1966)
2 دقیقه
244 مشاهده
یارستان خەراب ...
دونیا نەمەندەن وەختەن بۆ خەراب
وە حوکم بێچوون پادشای وەهاب
مەئموور ئامادەن وە تەعجیل و تاب
حورمەت قەلیلەن جە دۆست ئەحباب
مەردان چەنی زەن بییەن وە ئەرباب
جاهیلان مەراق تەموورە و ڕۆباب
عاقیلان مەدفوون في تحت الترابعربی
مەگەر جە ئاخر دڵ گێرۆ حوباب
نێکان خەڵاس بۆ بەدان دڵ کەباب
هەزاران ئاما چون ئەفراسیاب
جەی دونیای فانی نیگوون بی غەرقاب
میسقالە زەڕڕە ئەر خێر ئەر سەواب
یەکسەر مەنویسیۆ جە سەبت کیتاب
یا ئەهلی ... وەسەن ئیرتیکاب
چە ماڵ حەرام مەکەن ئیکتیساب
یاهەق زود بکەر پەیمان فتح البابعربی
کەشتی مەزڵوومان کەفتەن نە گەرداب
مەر وێت نەجات بەی یا اولوا الالبابعربی
فەقیران سوزیان وەنار ئەخشاب
دەلیل حایرین بکیان وەشەتاب
زاڵمان مەغروور وەبێ ئیستیجواب
زەلیلان مەحکووم بێ عوزر و عیتاب
تاکەی مەغلووق بۆ پەی مەزڵووم ئەبواب
تا موشکیل گوشاد پادەر نە ڕیکاب
یەکسەر مورتەکیب مەئموور بەواب
ڕەحم و شەفەقەت ها چە لای ئەحباب
دەروون سیاهەن ماهی نەڕووی ئاب
#
یە فەقیر واتەن حلمی الالقابتخلص