یاران شەریف کۆی ئەلبو گەسە
از کتاب:
شیعرەکانی حیلمی کاکەیی
اثر:
حلمی کاکه‌ای (1882-1966)
2 دقیقه
348 مشاهده
یاران شەریف کۆی ئەلبو گەسە
هیچ دڵخۆر نەبۆن ڕەهبەر داد ڕەسە
«کل» تەسادف ناز ئەو شەسە
زولفەقار سەیفەن دوڵ دوڵ فەرەسە
نە ڕووی ئەنبیا دەستش ئەلەسە
ساحێب نیمەی سێب دوو هەسە
وەر چە بابادەم شەست عفریت بەسە
عالەم وە قەبزەی قودرەتش مەسە
هەر کەس وەعەشقش خاڵی نەفەسە
کردارش زایە ئەفعالش پەسە
دایم ها وەذل کەچی وەسوەسە
ڕۆحش مورغێوەن قەڵبش قەفەسە
وە ئەو کەس ماچۆن فانی پەرەسە
دایم غەیبەت خەبیث و خەسە
ماوای ئەرواحش تون و تەوەسە
***
یاران نەکەران غەیبەت غیابی
تا کەشف نەبۆ لێتان کەزابی
چەند کەس وە لێتان من سوبتم کەردەن
تەعنەشان وە تیر دوشمنان بەردەن
حەیفەن پەرێ یار تەعنە دۆ وەیار
وە قاپی سوڵتان کەی مۆ ڕستگار
قەسدێ نەداریم وە ئەی ڕۆزگار
باقي والسلامعربی ئەوەڵ ئاخر یار
***
بەعد ئەز موراجعەت وە مازەندەران
لوتف و مەرحەمەت کەردەن چەنیمان
یەک تەکیە وە عەشق شای ساحێب زەمان
ئەگەر دائیر بۆ وە لوتف سوڵتان
کول ئەجمەعین مەوین وە مەهمان
یەعنی وە مەهمان تەکیەی یارستان
جواب نامە بکەران ئیحسان
سەی دارااعلامی قەسری مەکیانۆ پەیمان