برا خەیاڵم
از کتاب:
شیعرەکانی حیلمی کاکەیی
اثر:
حلمی کاکه‌ای (1882-1966)
2 دقیقه
452 مشاهده
برا خەیاڵم ...
شەو و ڕۆژ دایم های جە خەیاڵم
مونتەزیر وە لوتف شای ذوالجلالعربیم
وە قوربان یار بۆ گشت سەر و ماڵم
جە بەد ئەتواری نییەن ئەمسالم
گرفتاڕەنان وەدەست زاڵم
فیدای کەسێ بام دەروون بۆ سالم
نەواچان فەقیر وەبێ کەماڵم
وەگەر فریاد ڕەس بگێرۆ باڵم
وەرنە پایماڵ پەرێشان حاڵم
بێ خەوف و خەتەر فاریغەڵباڵم
ڕزیان جە پیری مووی کلک و یاڵم
مۆ جواب بدەی تۆ وە سوئالم
بێ یار و یاوەر دەروون زوخاڵم
جە لای بەدکاران نییەن ئیقباڵم
پەرێ ئەهل هەق شیرین جەماڵم
ساکن، سکووت خۆشەن مەقالم
شادی وە خەروار خەم وە میسالم
گیرۆدەی تەلەسم داڵ بن داڵم
مەحبووس و ئەسیر دێو سەڵساڵم
جە لای مونکیران زۆر تورش و تاڵم
پەی مەیدان داری ساحێب گۆپاڵم
سوپای حرس و نەفس کەردەن ئیغفاڵم
جەی خانەی نیعمەت نییەن مەجالم
پەی بار تەعنە وێنەی حەماڵم
هەق وە ئیجامە کەردەن ئیرسالم
گرفتار وەدەست نەزان ئەحواڵم
جەهد مەکەم پەرێ ڕای ئیستیقلالم
گیر وەردە وە دەست ئەی قیل و قالم
واردەم نانی یەو هەم پۆشاگ شاڵم
ئیفتادە چە نام قوڕاو و چاڵم
واجیبات ناقیس بەدەن ئەعمالم
جە گونا کاری هەم زوبان لاڵم
کۆتا خزمەتم وەبێ ئیکمالم
وەقەوڵ هەقیقەت مەدەن گۆشاڵم
ماڵم گشت حەرام نییەن حەڵاڵم
گرفتار وەدەست ماڵ و مناڵم
پەرێ زوهوورات وە ئیستیعجالم
ئینتیزار وە لوتف شای بێ زەواڵم
فەقەت جەی دەمدا دین پایەماڵم