bira xeyałim
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
299 Dîtin
bira xeyałim ...
şew û řoj daym hay ce xeyałim
muntezîr we lutif şay zwalcilalErebîm
we qurban yar bo gişt ser û małim
ce bed etwarî nîyen emsalim
giriftařenan wedest załim
fîday kesê bam derûn bo salim
newaçan feqîr webê kemałim
weger firyad řes bigêro bałim
werne paymał perêşan ḧałim
bê xewf û xeter farîẍełbałim
řizyan ce pîrî mûy kilk û yałim
mo cwab bidey to we su’alim
bê yar û yawer derûn zuxałim
ce lay bedkaran nîyen îqbałim
perê ehil heq şîrîn cemałim
sakin, sikût xoşen meqalim
şadî we xerwar xem we mîsalim
gîrodey telesim dał bin dałim
meḧbûs û esîr dêw sełsałim
ce lay munkîran zor turş û tałim
pey meydan darî saḧêb gopałim
supay ḧirs û nefis kerden îẍfałim
cey xaney nî’met nîyen mecalim
pey bar te’ne wêney ḧemałim
heq we îcame kerden îrsalim
giriftar wedest nezan eḧwałim
cehd mekem perê řay îstîqlalim
gîr werde we dest ey qîl û qalim
wardem nanî yew hem poşag şałim
îftade çe nam quřaw û çałim
wacîbat naqîs beden e’malim
ce guna karî hem zuban lałim
kota xizmetim webê îkmalim
weqewł heqîqet meden goşałim
małim gişt ḧeram nîyen ḧełałim
giriftar wedest mał û minałim
perê zuhûrat we îstî’calim
întîzar we lutif şay bê zewałim
feqet cey demda dîn payemałim