ئاغا مەغروورەن
بۆ سەیید عەلی نەغە
از کتاب:
شیعرەکانی حیلمی کاکەیی
اثر:
حلمی کاکه‌ای (1882-1966)
2 دقیقه
346 مشاهده
ئاغا مەغروورەن ...
فیرقەی جاهێڵان تەمام مەغروورەن
فیرقەی سەییدان گشت ئوجاخ کۆرەن
خانەدان وێران یەکسەر خاپوورەن
ئەحواڵی وەیتەور جە یاری دوورەن
ئینە کەی ئەرکان شەرت و دەستوورەن
ڕاگەی هەقیقەت بێ زوڵم و زۆرەن
دەروون بێ کینە دایم پڕ نوورەن
جەی سەردی ساعەت یاری زەروورەن
خزمەت حەساوەن گفتەی زەبوورەن
سککەی ئەهلی هەق هەمیشە مۆرەن
واجیبات تەمام دڵ پڕ سروورەن
وە بێڵ زوبان دڵان ڕەنجوورەن
پەی جیفەی دونیا عالەم مەقهوورەن
گرۆی یارستان جە شادی و سوورەن
فیرقەی مونکیران دڵ چون دەیجوورەن
جەی پرد فانی مەخلووق عبوورەن
بەعزێ بێخەوەر بەعزێ غەیوورەن
دەروون مەیخانەی ئاو ئەنگوورەن
وەخت شەوق و زەوق خانە مەعموورەن
مەعمووڵەن مەڵڵا پڕ جە قسوورەن
أنا الحقعربی واتەن کار مەنسوورەن
جەی وەخت فەقیر حاڵ دایم مەنفووەن
قەڵبم بەوێنەی گڕەی تەنوورەن
هەمیشە دڵم هەر جە حزوورەن
کۆتا خزمەتم عەفوت مەنشوورەن
جە خانەی ئوجرەت نیشتەم مەجبوورەن
یار بییەن وە مار دەور سەمتوورەن
دەخیلەن ئاغا ببەر خەبەردار
چە بەعزێ ئەتوار وێت کەر نیگادار
کینە و عەداوەت بنەر وەلاوە
پەرێ قەوم و خوێش بوە وە باوە
هەنی کافییەن تەتویل کەلام
مەعلوومت مەبۆ ئاخر سەرەنجام