aẍa meẍrûren
bo seyîd ’elî neẍe
From the Book:
Şî’rekanî Ḧîlmî Kakeyî
By:
Hilmi Kakeyi (1882-1966)
2 minutes
244 views
aẍa meẍrûren ...
fîrqey cahêłan temam meẍrûren
fîrqey seyîdan gişt ucax koren
xanedan wêran yekser xapûren
eḧwałî weytewr ce yarî dûren
îne key erkan şerit û destûren
řagey heqîqet bê zułim û zoren
derûn bê kîne daym piř nûren
cey serdî sa’et yarî zerûren
xizmet ḧesawen giftey zebûren
sikkey ehlî heq hemîşe moren
wacîbat temam dił piř sirûren
we bêł zuban diłan řencûren
pey cîfey dunya ’alem meqhûren
giroy yaristan ce şadî û sûren
fîrqey munkîran dił çun deycûren
cey pird fanî mexlûq ’ibûren
be’zê bêxewer be’zê ẍeyûren
derûn meyxaney aw engûren
wext şewq û zewq xane me’mûren
me’mûłen mełła piř ce qisûren
ena aliḧqArabic waten kar mensûren
cey wext feqîr ḧał daym menfuwen
qełbim bewêney giřey tenûren
hemîşe diłim her ce ḧizûren
kota xizmetim ’efut menşûren
ce xaney ucret nîştem mecbûren
yar bîyen we mar dewr semtûren
dexîlen aẍa biber xeberdar
çe be’zê etwar wêt ker nîgadar
kîne û ’edawet biner welawe
perê qewm û xwêş bwe we bawe
henî kafîyen tetwîl kelam
me’lûmit mebo axir serencam