ئیبتیدا بە نام حی لا ینام
از کتاب:
شیعرەکانی حیلمی کاکەیی
اثر:
حلمی کاکه‌ای (1882-1966)
2 دقیقه
553 مشاهده
ئیبتیدا بە نام حي لا ينامعربی
خالق المخلوقعربی تەمام خاس و عام
ئەشعاری لەتیف ئینشا کەم تەمام
بۆ وە یادگاری پەی دەور ئەییام
نەواچان مەڵڵا کەردەن خەیاڵ خام
وە گفتەی ڕاستی بەشەر مۆ ئیلزام
عالەم گشت غافڵ گیرەن وە تۆڕ دام
کەمەند حرس و نەفس شکستەن لەجام
نمەز چێش واچوون ئەی فیرقەی ئیسلام
گشتمان وە دینار بیەنمێ غوڵام
قەلیلەن چەی وەخت مەردێ ساحێب فام
پڕەن جەهەننەم چە خوێڕی و لەگام
زەحمەت چە بەهەشت پێماندەن مەقام
ئەفعالمان بەدەن خولاسەی کەلام
کردار حەساوەن گفتار بێ مەقام
ئاگا و بیناهەن چە هەفتەم خەیام
تەدبیرێ بکەین پەی يوم القيامعربی
ئی فانی هیچەن نەدارۆ دەوام
خوا ئیمان و دین پێمان کۆ ئینعام
دینمان پایماڵ کەرد ئی فانی ئیکرام
ئێران و توران تا وە میسر و شام
تەکەللوم مەکەن وە فوحش و دوشنام
قەناعەت ناکەن وە زوبدەی کەلام
جاهیلان مەغروور بێ صەڵا و صیام
نەفس موتمەئین بۆ بنیش چە لام
چە تەعنەی ناکەس وێت مەکەر کەم فام
نەفس ئەممارە مەکەرۆت بەد نام
وە نێش خەنجەر جەرگت مەکۆ زام
يا رب العبادعربی نەمەند توانام
بارم گرانەن سا بۆ وەهانام
ئەوسا مەجهوول بیم ئی حاڵ نەزانام
ئێستە پەشیمان دڵ گرتەن ئارام
یەک شەخسێ غەیبی ماوەرۆ پەیام
وەختەن زهوور بۆ مەهدی چە ناکام
قەلب عاقڵان پڕەن چە ئالام
ڕەئیس وە ڕیشوەت ئیغفاڵ کەرد ئەحکام
کەی ڕەوشەن مەبۆ ئی شەب ضەلام
چەی خانەی حیرەت بیەنان سەرسام
پەناهم بەردەن وە دوازدە ئیمام
وە چواردە مەعسووم جنة المقامعربی
یە واتەی فەقیر قليل الكلامعربی
عاجز و مەحزوون مەڵڵا عەباس نام