چاوەکەم سوێن بە چاوانت شێت و وێتی خاڵی تۆم
از کتاب:
دیوانی مینە جاف
اثر:
مینه جاف (1911-1965)
1 دقیقه
685 مشاهده
چاوەکەم سوێن بە چاوانت شێت و وێتی خاڵی تۆم
هەردەگێڵ و ڕوو بە چۆڵ و وێڵی چاوی کاڵی تۆم
گەر دەپرسیت بووم بە مەجنوون کەوتمە ڕووی دەشت و کەژ
چونکە جانا هۆش نەماوی بازن و خڕخاڵی تۆم
مردنم ژینم وەکوو یەک تێتە پێش چاو ڕۆحەکەم
ئەو سەعاتەی دوور لە تۆ بم دولبەرا بەدحاڵی تۆم
وا بە عوریانی ئەسووڕێمۆ لە سەر کۆڵانی شار
دڵ شکستە و خەستە جەرگی ناوقەدی شمشاڵی تۆم
بولبول و من هەر دوو هاودەردین لە زاری و شیوەنا
ئەو زەدەی ڕەنگی گوڵ و من شێتی لەعلی ئاڵی تۆم
قومری ئاسا ناڵەناڵم کەوتە ناو ئافاقەوە
ئەی نیگارا دڵ بە خوێنی قامەتی نەوهاڵی تۆم
گەر بە ئاری عەشقەکەت دولبەر بسووتێم دوور نییە
چونکە وەک پەروانە قوربان من پەشێو ئەحواڵی تۆم
دولبەرا تۆ بی و خوا سادەی مەدە فەقیانەکەت
چاوەکەم بەخوا هیلاکی بازن و خرخاڵی تۆم
پێم ئەڵێن مینەتخلص وەفا لەو شۆخە ئوممێد ناکرێ
گوڵ بەدەن سەد جار بڵێن سەنعا سفەت عەوداڵی تۆم