فیدای سروەت بام های نەسیم وەختەن
=بەفر چوار شەو ڕیێ بەستبوو لە «مەنسوور ئەلکان». ماڵی ئازیزەکەی مینە هاتبوونە «هەردەی سەییارە» لە «ملەی نارنجەڵە» و لەناو بەفرا ماڵیان هەڵدابوو، زۆریش لێوە نزیک بوون، بەڵام نەیئەوێرا بچێتە لای چوونکە کەریم بەگی باوکی سوێنی لێ خواردبوو. مینە ئەم شیعرەی نارد
از کتاب:
دیوانی مینە جاف
اثر:
مینه جاف (1911-1965)
3 دقیقه
533 مشاهده
فیدای سروەت بام های نەسیم وەختەن
بدیۆ ئیمدادم زامانم سەختەن
یانەی دڵ وە سەیل زووخاوان بین کەیل
بیەن وە ماوای بوومی دووری لەیل
گڕ گرتەن دەروون جە شەرارەی خەم
شەوان تا وە ڕۆ سۆچنۆم چون شەم
مەوینیم وەی ڕەنگ دەردم کارییەن
هیممەت کەر ئامان وادەی یارییەن
من سزا و خەفەت تەوانام بەردەن
پای ئاما و لوام چون نەی پەی کەردەن
هۆریزۆ سوبحەن مەکەرۆ درەنگ
تەی کەرۆ مەنزڵ وە وێنەی خەدەنگ
عەبیر ئامێز کەر وێت نە گوڵزاران
بویە وە تاجیل نە سەر کۆساران
تا مەیۆ وە ڕات سارا سەردەشتێ
دەشتێوەن ماچان پەی دڵ بەهەشتێ
مەوینوو نەو دەشت غەزاڵان گەل گەل
مەگێڵوون وە ناز مەکەروون تامەڵ
جە دوور منمانۆ نە پای ئەو هاموون
قەسری سەر بەردەن وە ساقی گەردوون
نە شانەی قەسرا شتێ جە ڕووی شەرق
جارییەن جە دوور مەوج مەدۆ وە بەرق
جە ڕووی ئەو سارا پێت مەدۆ دیار
چەن قەسر و قوسوور چەن دار و ئەشجار
خەیلێ دڵکەشەن کەلارش نامەن
مەنزەرە و هەواش مەشهووری عامەن
کەردەنش پایتەخت وە عەدل و ئینساف
نەو وڵگەی دڵکەش میری عێلی جاف
میری مەشهوورەن وە سەخا و کەرەم
ئیسمەش کەریمەن زاتش موحتەرەم
سەرداری سەروەر هەواخواهمەن
سەرمایەی حورمەت پایە و جاهمەن
جە من شو وەلای ئەو سەردارمە
ئەو دڵسۆزی حاڵ ئەو غەمخوارمە
ئەو داوای زامان دەردی کاریمەن
ئەو تەسکینی ئێش دڵ ئەوگاریمەن
نگادار ئەدەب نەسیم فیدات بام
وە فیدای سروەی سوب سەحەرگات بام
ئەی زەلیلی حاڵ ئەی سەختی زامان
ئەی سوزشی دڵ سزای بێ ئامان
ئەی ناڵە و فەزەع زایەڵە و زاریم
ئەی گرانی دەرد ئەی گیان ئەوگاریم
ئەی دووی هەناسەی وە خەم پەروەردەم
ئەی قرچەی دووری دڵ وە هوون کەردەم
ئەی لافاوی هوون ئەسرم وە دامان
گوڵناری کەردەن سەر تا وە دامان
عەرز کەرۆ خزمەت ئەو خوسرە شکور
ئەو بڵند هیممەت ئەو شیرەوان خوو
ئەحیانەن نەسیم پرسام لێ جە حاڵ
مەوینیم وەی ڕەنگ بیم وە زوخاڵ
واچە جە دووری باڵای لەیلشەن
وە وێنەی مەجنوون خەم دوجەیلشەن
ئەو بێو وە مەڵهەم ڕەشحەی خامەکەت
نەبۆن وە دەوای دڵ پڕ زامەکەت
چون شەم مەسووزۆ وە سزای جەرگش
مەبۆ بەو ڕازی کەفەن وە بەرگش
ئەو گیانەش وە مەیل باڵای لەیل خستەن
تۆیش پەی نامەی زاڵ لوات بەستەن
ئینسافەن وەسێن مەدەر ئازارش
مینەتخلص بێ چارەن بدیۆ بیمارش