fîday sirwet bam hay nesîm wexten
=befir çwar şew řyê bestibû le «mensûr elkan». małî azîzekey mîne hatbûne «herdey seyyare» le «miley narincełe» û lenaw befra małyan hełdabû, zorîş lêwe nizîk bûn, bełam ney’ewêra biçête lay çûnke kerîm begî bawkî swênî lê xwardibû. mîne em şî’rey nard
Li pirtûka:
Dîwanî Mîne Caf
Berhema:
Mîne Caf (1911-1965)
3 Xulek
531 Dîtin
fîday sirwet bam hay nesîm wexten
bidyo îmdadim zamanim sexten
yaney dił we seyl zûxawan bîn keyl
byen we maway bûmî dûrî leyl
giř girten derûn ce şerarey xem
şewan ta we řo soçnom çun şem
mewînîm wey řeng derdim karîyen
hîmmet ker aman wadey yarîyen
min siza û xefet tewanam berden
pay ama û lwam çun ney pey kerden
horîzo subḧen mekero direng
tey kero menził we wêney xedeng
’ebîr amêz ker wêt ne gułzaran
buye we tacîl ne ser kosaran
ta meyo we řat sara serdeştê
deştêwen maçan pey dił beheştê
mewînû new deşt ẍezałan gel gel
megêłûn we naz mekerûn tameł
ce dûr minmano ne pay ew hamûn
qesrî ser berden we saqî gerdûn
ne şaney qesra şitê ce řûy şerq
carîyen ce dûr mewc medo we berq
ce řûy ew sara pêt medo dyar
çen qesir û qusûr çen dar û eşcar
xeylê diłkeşen kelarş namen
menzere û hewaş meşhûrî ’amen
kerdenş paytext we ’edil û însaf
new wiłgey diłkeş mîrî ’êlî caf
mîrî meşhûren we sexa û kerem
îsmeş kerîmen zatiş muḧterem
serdarî serwer hewaxwahmen
sermayey ḧurmet paye û cahmen
ce min şu welay ew serdarme
ew diłsozî ḧał ew ẍemxiwarme
ew daway zaman derdî karîmen
ew teskînî êş dił ewgarîmen
nigadar edeb nesîm fîdat bam
we fîday sirwey sub seḧergat bam
ey zelîlî ḧał ey sextî zaman
ey suzşî dił sizay bê aman
ey nałe û feze’ zayełe û zarîm
ey giranî derd ey gyan ewgarîm
ey dûy henasey we xem perwerdem
ey qirçey dûrî dił we hûn kerdem
ey lafawî hûn esirim we daman
gułnarî kerden ser ta we daman
’erz kero xizmet ew xusre şikur
ew biłind hîmmet ew şîrewan xû
eḧyanen nesîm pirsam lê ce ḧał
mewînîm wey řeng bîm we zuxał
waçe ce dûrî bałay leylşen
we wêney mecnûn xem duceylşen
ew bêw we mełhem řeşḧey xameket
nebon we deway dił piř zameket
çun şem mesûzo we sizay cergiş
mebo bew řazî kefen we bergiş
ew gyaneş we meyl bałay leyl xisten
toyş pey namey zał lwat besten
însafen wesên meder azarş
mîneNasnava edebî bê çaren bidyo bîmarş