ئەی خەم تەشریف کەر یاگەت بەتاڵەن
از کتاب:
دیوانی مینە جاف
اثر:
مینه جاف (1911-1965)
1 دقیقه
310 مشاهده
ئەی خەم تەشریف کەر یاگەت بەتاڵەن
شادی کۆچش کەرد ئاماش مەحاڵەن
مەکەرۆ تەقسیر نەوبەت ئاما پێت
وێران کەر ئەمجار یەکسەر ماوای وێت
وە هووناو کەرۆ دڵەی سیا چار
باوەر لێڵایی دیدەی ئەسرین بار
بەرکەندۆ ڕیشەی نشاتم جە بێخ
جگەر قیمە کەر پەی کەباب وە تێخ
وە دۆی هەناسەی چیای زەبوونم
جەلا دەر وە نار کوورەی دەروونم
مالووم بۆ جەلات من کووس تۆمەن
نەوبەی ئازێتی زایەڵەی ڕۆمەن
----------متن نامشخص
خوا نەکەردە شۆخی شیوا شەم
مەواچان دیسان قارش گرتەن لێم
وەی ڕۆ پەی خەوەر یاوەنان وە پێم
----------متن نامشخص
ڕیسوا و حەیران وێم جە دەردی وێم
وەی ڕۆ پەی دڵەی زام گرتەی کاریم
پەی شەرارەی ئێش دەرد نادیاریم
مینەتخلص وەس کەرە زایەڵە و زاری
تەڵەب کەر عیلاج نە دەرگای باری