ئەی خەم تەشریف کەر یاگەت بەتاڵەن
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
420 بینین
ئەی خەم تەشریف کەر یاگەت بەتاڵەن
شادی کۆچش کەرد ئاماش مەحاڵەن
مەکەرۆ تەقسیر نەوبەت ئاما پێت
وێران کەر ئەمجار یەکسەر ماوای وێت
وە هووناو کەرۆ دڵەی سیا چار
باوەر لێڵایی دیدەی ئەسرین بار
بەرکەندۆ ڕیشەی نشاتم جە بێخ
جگەر قیمە کەر پەی کەباب وە تێخ
وە دۆی هەناسەی چیای زەبوونم
جەلا دەر وە نار کوورەی دەروونم
مالووم بۆ جەلات من کووس تۆمەن
نەوبەی ئازێتی زایەڵەی ڕۆمەن
----------دەقی نائاشکرا
خوا نەکەردە شۆخی شیوا شەم
مەواچان دیسان قارش گرتەن لێم
وەی ڕۆ پەی خەوەر یاوەنان وە پێم
----------دەقی نائاشکرا
ڕیسوا و حەیران وێم جە دەردی وێم
وەی ڕۆ پەی دڵەی زام گرتەی کاریم
پەی شەرارەی ئێش دەرد نادیاریم
مینەناسناوی ئەدەبی وەس کەرە زایەڵە و زاری
تەڵەب کەر عیلاج نە دەرگای باری