گیانە وا دەر چوو بەدەن سووتاوە قاسد وەعدەیە
از کتاب:
دیوانی مینە جاف
اثر:
مینه جاف (1911-1965)
1 دقیقه
596 مشاهده
گیانە وا دەر چوو بەدەن سووتاوە قاسد وەعدەیە
بمدەرێ تۆ بی خوا گەر پێتە سا تۆ موژدەیە
وا لە خمخانەی دەروونا دڵ بە خەم تاوایەوە
ئەی خودا لای یار دەلیلێ یا لە ڕیێ گوم کەوەیە
لێمگەڕێ با بمکوژێ ئەم دەردە تو خوا ئەی حەکیم
قەد عیلاجی ناکرێ چونکە دەوای بێ هوودەیە
ئەی خوا تۆ کەی نەجاتی من لە دەست دووری ئەدەی
بوو بە قیبلەی دڵ هەموو جێگە و وڵات و هەردەیە
سووتیا پەردەی سەبووریم وا بە ئاوی ئیشتیاق
یا ڕسول اللە بە شیرێ یا خەبەر هاوردەیە
هەر ئەبێ من بم ئیلاهی شێت و لێوە و دەر بە دەر
بۆچ نەبوو وەک من زەبوون و دڵ بەخەم ئالوودەیە
(مینە جافتخلص شەخسێ مەگەر نەیچەشتبێ ژەهراوی عیشق
مەنع و تۆمەی تۆ بکا، چونکە دڵی ئاسوودەیە