دەنگی واوەیلایە دیسان تێتە گوێم گریان و شین
بۆ مردنی مامی خۆی «ڕەزا بەگی فەتاح بەگ»
از کتاب:
دیوانی مینە جاف
اثر:
مینه جاف (1911-1965)
1 دقیقه
654 مشاهده
دەنگی واوەیلایە دیسان تێتە گوێم گریان و شین
زەلزەلەی حەشرە مەگەر ئەم حاڵە کەوتە سەر زەمین
دیارە خۆ ئەمڕۆ قیامەت هەڵنەساوە ئەی ڕەفیق
وا موحەقەمە «ڕەزا بەگ» مردووە لێم بوو یەقین
ڕوو لە هەر لایە ئەکەم هاوار و ئۆف و ناڵەیە
جێگەیە دەست ناکەوێ بێ باوکەڕۆ و یەقەدڕین
دەنگی باوکەڕۆیە تێت و کاکەڕۆیە و مامەڕۆ
هەر براڕۆیە لە سەر یەک تێت و ئاغاڕۆی حەزین
با منیش شینێ بکەم هەر وەک ئەوان ئەمما بە بەیت
هەر بە ناو ئیسمی غەزەل بێ، پڕ لە مەعنا و ئاگرین
***
وا نەزانی پاش حمەد بەگاعلام کەس نییە ڕۆی بۆ بکەم
یا بە تۆ تازەی کەمۆ، ئینجا ڕەزا بەگ مامەڕۆ
میری عالی هیممەت و کانی شەرافەت مامەڕۆ
مەنبەعی شەرم و حەیا ڕۆحی نەجابات مامەڕۆ
بەحری عەزم و غیرەت و دەرک و فەراسەت مامەڕۆ
ساحیبی ئیحسان و عەدل و خەیر و تاعەت مامەڕۆ
خۆت بە مونسیف دائەنا لەم کۆچە ئینسافت نەبوو
چونکە تا ڕۆژی قیامەت هەر بڵێم من مامەڕۆ