خاڵۆی خاترخا و پیری دەروێشان
جواوی نامەیەکی شێخ عوسمان نەوەی شێخ عەلائەددین نەقشبەندی
از کتاب:
دیوانی مینە جاف
اثر:
مینه جاف (1911-1965)
1 دقیقه
508 مشاهده
خاڵۆی خاترخا و پیری دەروێشان
جاگەی ستەم داد ڕیازەت کێشان
سەرحەڵقەی مەجلیس عەوداڵانی غەیب
ئوستادی دەسگیر یارانی بێ عەیب
بەخشەندەی سەفوەت وە دڵ سیاوان
جانوشین نە جای شێرانی کاوان
دەروون پڕسەفا جە سیدق و سەفا
منەووەر وە شەوق نووری مستەفا
نامەی عەنبەر بۆی پڕ لوتف و سروور
یاوا جاڕووب دا دڵەی پڕ کدوور
بۆسام نیام وە بان نووری بینایی
دەوا کەرد زامان دڵ جە ڕیسوایی
لایێ مەعنا و شەوق لایێ سزابی
لایێ شادی و زەوق لایێ جەزابی
ئە فەرمای پەی چێش گۆشدەر دیدەکەم
تەفسیر کەم پەرێت بەرگوزیدەکەم
شادی و شەوق لەبەر لوتف و وەفای تۆ
ئێش و خەم پەی دڵ مەحجووب جە لای تۆ
پەی تۆ کەرد ئیسبات ڕەویەی سەرداری
پەی من عارەقی جە شەرمەساری
ئارۆ یەن ڕەویە و ڕەسم جاداران
عەفو کەردەی بەد جە خەتاباران
هەر چەن مەئیووسم جە فەیزی حزوور
یا اللە ئیخلاسم باقیەن جە دوور
قوروان دەخوازم ئیمداد و یارین
یاوان وە خزمەت ئەر سەد بێ عارین