xałoy xatirxa û pîrî derwêşan
cwawî nameyekî şêx ’usman newey şêx ’ela’eddîn neqşibendî
Li pirtûka:
Dîwanî Mîne Caf
Berhema:
Mîne Caf (1911-1965)
1 Xulek
510 Dîtin
xałoy xatirxa û pîrî derwêşan
cagey sitem dad řyazet kêşan
serḧełqey meclîs ’ewdałanî ẍeyb
ustadî desgîr yaranî bê ’eyb
bexşendey sefwet we dił syawan
canuşîn ne cay şêranî kawan
derûn piřsefa ce sîdiq û sefa
minewwer we şewq nûrî mistefa
namey ’enber boy piř lutif û sirûr
yawa cařûb da diłey piř kidûr
bosam nyam we ban nûrî bînayî
dewa kerd zaman dił ce řîswayî
layê me’na û şewq layê sizabî
layê şadî û zewq layê cezabî
e fermay pey çêş goşder dîdekem
tefsîr kem perêt berguzîdekem
şadî û şewq leber lutif û wefay to
êş û xem pey dił meḧcûb ce lay to
pey to kerd îsbat řewyey serdarî
pey min ’areqî ce şermesarî
aro yen řewye û řesim cadaran
’efu kerdey bed ce xetabaran
her çen me’yûsim ce feyzî ḧizûr
ya alle îxlasim baqyen ce dûr
qurwan dexwazim îmdad û yarîn
yawan we xizmet er sed bê ’arîn