مەزرەعەی بەختی هەموو کەس دائیما نەورۆزییە
از کتاب:
دیوانی مینە جاف
اثر:
مینه جاف (1911-1965)
1 دقیقه
563 مشاهده
مەزرەعەی بەختی هەموو کەس دائیما نەورۆزییە
هەر کەسێ کاڵای فەرەح سەر تا قەدەم پیرۆزییە
من نەبێ ئاوی چناوە هەوری شوومی بەختەکەم
ئەو لە جێی باران و تەرزە هەر غوبار و تۆزییە
ئەی ڕەفیق ئەم چەرخە خۆی ئیسباتی بەدجنسی ئەکا
چۆن لە هەر کوێ ناکەسێ بێ سەد نەجیب مەنفوزییە
ئەی خوا سا داد لە دەس غەددارییی گەردوونی دون
بۆ چی وازی هەر نەهێنا لەم ڕەوشتی حیزییە
ناکەس و نادان لە ژێر سات گشتی شادە و موستەریح
داهی و عالی نەسەب مەبهوت و کۆتا ڕۆزییە
تو خوا تاکەی لە سەر من تیێ بە قین و قارەوە
ئەی فەلەک سا لایبەرە ئەسبابی ئەم مەبغووزییە
وا لە گۆژەی کولخەنی غەم (مینە جافتخلص سوێم بۆتەوە
بێژە زوو چارەی بکەن تو خوا ئەوی دڵسۆز نییە