وژینبوکس > مینه جاف > دیوانی مینە جاف > یا ڕەسوولەڵڵا مەدەد بەسراوە لێم قاپیی نەجات

یا ڕەسوولەڵڵا مەدەد بەسراوە لێم قاپیی نەجات

از کتاب:
دیوانی مینە جاف
اثر:
مینه جاف (1911-1965)
 1 دقیقه  781 مشاهده
زبان:
کردی مرکزی
قالب:
غزل
وزن:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
گزارش اشتباه
فونت:
یا ڕەسوولەڵڵا مەدەد بەسراوە لێم قاپیی نەجات
زوو بە لوتفت بگرە دەستم شاهـ و فەخری کائینات
ڕوو لە هەر لایێ ئەکەم، ڕێگەم نییە سا ڕەحمەتێ
ڕووڕەش و بێچارە وا ڕووم کردە قاپیی بارەگات
دڵ بە خوێن و خەستە جەرگ و دیدە پڕ ئاو و نمین
بێکەس و بێمەرجەعم، خۆم خستە ژێر سایە و پەنات
تۆ شەهەنشاهی سڕی دێهیمی خەتمولمورسلین
سا تەرەححوم کە بە حاڵم من فیدایی خاکی پات
بێ پەنا و بێ نەوا، بێ دەستگیر و تۆ ئومێد
هەر لە بەر مەحزی خودا قوربان لە گەنجینەی سەخات
مەرحەمەت فەرموو بە غەمباری و زەلیلی و بێ دەریم
چارەیی ئەم دەردە کە پێم بەخشە تۆ قەبزەی بەرات
وا لە دەس زوڵم و جەفا مینەتخلص بە دەم ئێشی دەروون
ئەم عەریزەی دایە خزمەت، سەروەرا! هاوار لە لات