وژینبوکس > مینه جاف > دیوانی مینە جاف > ئەی دەلیلی بێ دەلیل و ئەی نەوایی بی نوا

ئەی دەلیلی بێ دەلیل و ئەی نەوایی بی نوا

از کتاب:
دیوانی مینە جاف
اثر:
مینه جاف (1911-1965)
 2 دقیقه  1084 مشاهده
زبان:
کردی مرکزی
قالب:
غزل
وزن:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
گزارش اشتباه
فونت:
ئەی دەلیلی بێ دەلیل و ئەی نەوایی بی نوا
ئەی ئەمیری بێ ئەمیر و ئەی خودایی بێ خوا
ئەی شەهەنشاهی سەری دین هیمی موڵکی لامەکان
حامیی بێ مەرجەع و ئەی مەرجەعی گشت ئیلتیجا
دەستگیری زومرەیی داماو و مەحزوون و زەلیل
هادییی بێچارەیی ئەوگاری بێ پشت و پەنا
مەڵهەمی زام و برینی کاففەیی خوێنی دڵان
شەربەتی تەسکینی ئاری جەرگی پڕ سۆز و سزا
ئەی کلیلی پێوەن کراوی ئێش و خەم
شەفیی بیماری مەعلوول و دەوایی بێ دەوا
ڕابەری ئاوارەیی سارایی پایانی دەرد و ئیلتجا
لۆکسی ڕێگەی وێڵی هەردەی زوڵمەت و کەرب و بەلا
بۆ ڕجا دێنمە تکا، تا بۆم تکاکار بێ لەلات
شوعلەیی نوور و سەفای سیمایی زاتی مستەفا
بمکە خاتر تاعەت و تەسدیق و تەقوایان هەموو
کافەیی ئەسحاب و ئەهلی بەیتی بێ بۆغز و ڕیا
ئاگرینم، دڵ برینم، چاو نمینم، پڕ گرین
بێ موعینم، دڵ خەمینم، ئێش لە لام بێ ئینتیها
گەستە جەرگم، خەستە مەرگم، زامە بەرگم، خوێن خۆراک
زاردە ڕەنگم، قەتعە دەنگم، زۆر بە تەنگم ڕەببەنا
سا بە ڕەحمی خۆت خوایا، چارەیی ئەم کارە کە
غەیری تۆ لای کێ بچێ مینەتخلص، دە هاوار هادیا